ढाका : बंगलादेशमा शेख हसिनाले प्रधानमन्त्री पदबाट राजीनामा दिएर देश छाडेर भागेपछि राष्ट्रपति शहाबुद्दिनले विपक्षी दलकी नेतृ खालिदा जियालाई रिहा गर्न आदेश दिएका छन् । बंगलादेशमा सेनाले अन्तरिम सरकार गठन गर्ने तयारी गरिरहेको छ ।
जिया रिहाई भएपछि मात्रै अन्तरिम सरकार गठन हुने बताइएको छ । जिया विपक्षी बंगलादेश नेशनलिष्ट पार्टी (बीएनपी)की प्रमुख हुन् ।
सन् १९९१ देखि १९९६ र सन् २००१ देखि २००६ को बिचमा उनी दुई पटक प्रधानमन्त्री थिइन् । सन् २०१८ यता जिया ढाकास्थित केन्द्रीय कारागारमा थुनामा छिन् । जियामाथि अहिले भ्रष्टाचार समेतका ३६ ओटा मुद्दा चलिरहेको छ ।
