दोहा, कतार : विगत एक हप्तादेखि कतारमा रहेका भर्षटायल गायक तथा संगीतकार शिव परियारले आज राति सांगीतिक प्रस्तुति दिने भएका छन् । नज्मामा अवस्थित मंसुरा पार्क इन होटेलको ग्राउण्ड फ्लोरमा रहेको स्ट्रिट ट्वान्टी टु रेस्ट्रोबारमा आज राति प्रस्तुति दिने भएका हुन् ।
परियारले उक्त कार्यक्रममा झुम्न तथा भरपूर मनोरञ्जन लिन दोहावासी सम्पूर्ण नेपाली दाजुभाइ तथा दिदीबहिनीहरुलाई उपस्थितिका लागि अनुरोधसमेत गरेका छन् ।
कार्यक्रममा प्रवेश शुल्क पचास कतारी रियाल र भीआइपी एकसय रहेको कार्यक्रम संयोजक नाजिर रहमानले जानकारी दिए । कार्यक्रमको ढोका बिहीबार स्थानीय समय अनुसार ५ बजेदेखि खुल्नेछ ।
