सुर्खेत : सुर्खेतको वीरेन्द्रनगरमा एक जना महिलाको शव बेवारिसे अवस्थामा फेला परेको छ । शनिबार वीरेन्द्रनगर–११ झुप्रा खोलामा नाम, थर र ठेगाना नखुलेको अन्दाजी ३५ वर्षीया महिलाको शव फेला परेको हो ।
शव फेला परेको छ भन्ने खबर प्राप्त भएपछि जिल्ला प्रहरी कार्यालय सुर्खेतबाट प्रहरी निरीक्षक अजय डांगीको कमाण्डमा ५ जनाको प्रहरी टोली घटनास्थलमा खटिएको छ । घटनाको बारेमा आवश्यक अनुसन्धान भइरहेको जिल्ला प्रहरी कार्यालय सुर्खेतले जनाएको छ ।
