काठमाडौं : धर्मगुरु अच्युतप्रसाद पौडेल चिन्तनको व्यासत्वमा काठमाडौं ६, बौद्धस्थित महालक्ष्मी महिला समूहबाट एकदिने विशेष देवीमहिमा एवम् कथा प्रवचन र भक्ति संगीत कार्यक्रम चाबहीलको चुच्चेपाटीमा सम्पन्न भएको छ ।

सो नवरात्रि महाअनुष्ठानमा लेखक एवम् सामाजिक, धार्मिक अभियन्ता चिन्तन सम्मानित भएका छन् । सो अवसरमा स्थानीय शताब्दी पुरुष दुर्गा सापकोटालाई समेत सम्मान गरिएको समूहकी अध्यक्ष रन्जना न्यौपानेले बताइन् ।

विशेष सत्संग नवरात्रि अनुष्ठानमा डा. रमेश न्यौपाने, केशव पुडासैनी, कलाकारहरु चन्दकला घिमिरे, चिरन्जिीव पुडासैनीलगायतले आ-आफ्नो कला प्रस्तुत गरेको सो कार्यक्रममा पानी ट्यांकी युवा समाजका अध्यक्ष उमेश सापकोटालगायतको उपस्थिति रहेको थियो ।

संस्थाका पदाधिकारीहरुले आम सञ्चारमाध्यमबाट धर्मको मर्मलाई विज्ञानपरक ढंगले सरल भाषामा लामोसमयदेखि उजागर गर्दै आका धार्मिक गुरु पौडेललाई समूहको तर्फबाट सम्मान गर्न पाउँदा खुसी लागेको बताए ।