रौतहट : रौतहटमा आज छठ पर्वको अन्तिम दिन उदाउँदो सूर्यलाई अर्घ्य दिँदै समापन गरिएको छ । व्रतालुहरूले हिजो अस्ताउँदो सूर्यलाई अर्घ्य अर्पण गरेका थिए ।
रौतहटलगायत तराई क्षेत्रको यो महत्वपूर्ण पर्व विशेष गरी मिथिलाञ्चलको परम्परा मानिए पनि पछिल्लो समय देशका विभिन्न भागमा मनाउन थालिएको छ ।
रौतहटमा श्रद्धालुहरूले पारिवारिक सुख, समृद्धि, रोगबाट मुक्ति र मनोकांक्षा पूर्तिका लागि सूर्यको उपासना गर्दै छठ मनाएका हुन् । जिल्लाका विभिन्न तालमा विशेष उत्साहका साथ छठ पर्व मनाइएको थियो ।
रौतहटका जलाशयहरूमा आस्था र विश्वासका साथ हजारौं श्रद्धालुले पूजा सामग्री, प्रसाद र ठाँक्री लिएर सूर्यलाई अर्घ्य अर्पण गरेका छन् ।
.jpg)
