सुर्खेत : सुर्खेत–दैलेख सीमास्थित वीरेन्द्रनगर–१४ को रातानाङ्ग्ला नजिक फोर्स गाडी दुर्घटना हुँदा ३ जनाको मृत्यु भएको छ । दुर्घटनामा अन्य १३ जना घाइते भएका छन् ।

शुक्रबार दिउँसो देउती नागरिकको कर्णाली प्रदेश ०२००१ ख ०९९८ नम्बरको फोर्स गाडी सुर्खेत-दैलेख सीमास्थित वीरेन्द्रनगर–१४, को रातानाङ्ग्ला नजिक दुर्घटना हुँदा तीन जनाको मृत्यु भएको जिल्ला प्रहरी कार्यालय सुर्खेतले जानकारी दिएको छ ।

गाडी सडकभन्दा झण्डै दुई सय मिटर भिरमा खसेको प्रहरीले जनाएको छ ।

प्रहरीका अनुसार १३ जना घाइतेको उद्धार गरी गुराँस गाउँपालिकाको एम्बुलेन्समार्फत कर्णाली प्रदेश अस्तालत सुर्खेत पठाइएको छ । अन्यको उद्धार कार्य जारी रहेको प्रहरीले जनाएको छ । गाडीमा ३० देखि ३५ जना यात्रु रहेको अनुमान गरिएको छ ।