काठमाडौं : काठमाडौं महानगरपालिकाका मेयर बालेन शाहले उपप्रधान तथा सहरी विकासमन्त्री प्रकाशमान सिंहसँग भेटेका छन् ।
काठमाडौं महानगरपालिका–११ का वडाध्यक्ष हिरालाल तण्डुकारको समन्वयमा उपप्रधानमन्त्री सिंह र मेयर बालेनबीच केही दिन अधि भेटघाट भएको हो ।
उनीहरूबीच महानगरपालिकाभित्रको फोहोरमैला व्यवस्थापन, सहरी व्यवस्थापन, सौन्दर्यीकरण र संघीय सरकार तथा महानगरपालिकाबीच समन्वयको विषयमा छलफल भएको छ ।
उनीहरूबीच केही दिन अघि भेटघाट भएपनि त्यसको तस्विर वडाध्यक्ष तण्डुकारले बुधवार समाजिक सञ्जाल फेसबुकमा सार्वजनिक गरेका छन् ।
दरबारमार्गमा एमालेले फोहोर गरेको विषयमा मेयर बालेन र एमालेबीच द्वन्द्व चलेको छ । एमालेको जागरण सभामा फोहोर जम्मा भएको भन्दै महानगरले एमालेलाई १ लाख जरिवाना तिराएको छ । तर, एमालेले उक्त जरिवाना नतिर्ने बताउँदै आएको छ ।
