रुकुम पश्चिम : रुकुम पश्चिमको बाँफिकोट गाउँपालिका वडा नम्बर ३ नेपानेकी एक महिला बेपत्ता भएकी छन् । ३१ वर्षीय धर्सी सार्की बेपत्ता भएकी हुन् ।
सार्कीकी नन्द गिता बिकका अनुसार सार्की कार्तिक ३० गते शुक्रबार घरबाट भारत जाने भनि हिँडेकी थिइन् । तर उनी अहिलेसम्म परिवारकाे सम्पर्कमा नआएको उनको भनाइ छ ।
सार्कीका श्रीमान विगत ५-६ वर्षदेखि रोजगारीका लागि भारतको केरालामा छन् । पारिवारिक स्राेतका अनुसार केही दिनअघि सार्कीले फाेनबाट आफू पनि उपचारका लागि केराला आउने प्रस्ताव श्रीमानलाई गरेकी थिइन् । तर त्यसपछि भने श्रीमान-श्रीमतीको कुरा नभएको बुझिएको छ । उनी यसअघि पनि बेला-बेलामा श्रीमानसँग भेटघाटका लागि केराला पुग्ने र घर फर्किने गरेकी थिइन् ।
घर परिवारले प्रहरीमा पनि यसबारे जानकारी गराउँदै खाेजी गरिदिन आग्रह गरेको छ । तर उनको अझै पत्ता लाग्न सकेको छैन । घरमा अहिले सार्कीका २ छाेरी र १ छाेरा रहेका छन् ।
घरपरिवारले जाे काेहीले पनि कहीं कतै भेटे वा देखे नजिकैको प्रहरी वा परिवारलाई जानकारी गराउन अनुरोध गरेको छ । कसैले भेटेमा घर परिवारकाे सम्पर्क नम्बर : ९७६१६९६६०२ वा नजिकैको प्रहरी कार्यालय सम्कर्क गरिदिन उनकी नन्दले आग्रह गरेकी छन् ।
