काठमाडौं : राष्ट्रिय समाचार समिति (रासस)का प्रधानसम्पादक उत्तम सिल्वाललाई मातृशोक परेको छ । उनकी आमा सत्यरुपा सिल्वालको शनिबार राति धादिङको मलेखुस्थित आफ्नै निवासमा निधन भएको हो । उमेरका कारण खाना नरुच्ने समस्या खेपिरहेकी उनी ८७ वर्षकी थिइन् ।
स्वर्गीय सिल्वालको स्थानीय मलेखु खोला र त्रिशूली नदी दोभानमा अन्त्येष्टि गरिएको पारिवारिक स्रोतले जनाएको छ । प्रधानसम्पादक सिल्वालसहित उनका चार छोरा र दुई छोरी छन् ।
