२०८१ चैत २३ गते शनिवार / Apr 05 , 2025 , Saturday
२०८१ चैत २३ गते शनिवार
Ads

छोराको उत्कृष्ट कार्यबाट आमाबुबा सम्मानित

draupadi film
सत्येन्द्र प्रताप सिंह
२०८१ माघ २४ गते २१:३९
छोराको उत्कृष्ट कार्यबाट आमाबुबा सम्मानित

रौतहट : छोराको उत्कृष्ट कार्यबाट आमाबुबा समुदायद्वारा सम्मानित भएका छन् । 

फतुवा विजयपुर नगरपालिका वडा नम्बर ११ मा रहेको श्री आधारभूत विद्यालयका प्रधानाध्यापक विजय कुमार कुशवाहाका आमाबुबालाई सरस्वती पुजाको दिन आयोजित एक कार्यक्रमकाबीच समुदायले सम्मान गरेको हो । 

प्रधानाध्यापकको जिम्मेवारी सम्हालेको करिब दुई वर्षभित्रै कुशवाहाले २५ जना विद्यार्थीबाट बढार २ सय जना पु¥याएका छन् भने भौतिक अवस्थामा पनि उल्लेखनीय सुधार गरेका छन् । 

साथै विद्यालयमा सरस्वती माताको मन्दिर स्थापना गराइ विद्यालयलाई पालिकामै सुन्दर र उत्कृष्ट आधारभूत विद्यालय बनाउन सफल भएका छन् । 

अभिभावक,समाजसेवी,शिक्षाप्रेमी, जनप्रतिनिधिहरूले प्रधानाध्यापक कुशवाहाको कार्यबाट खुशी र सन्तुष्ट भइ उनको  बुबा चन्द्रदेव कुशवाहा र आमा अन्हिया देवी कुशवाहालाई दोसल्ला र खादासहित फूलमाला लगाएर सम्मान गरेका हुन् । 

प्रधानाध्यापक कुशवाहाको उदाहरणीय कार्यबाट प्रभावित भइ पालिका भरिकै शिक्षक,कर्मचारी,जनप्रतिनिधि, शिक्षाप्रेमी,समाजसेवी लगायत सम्बन्धित सम्पूर्ण समुदाय खुशी भएको विद्यालय व्यवस्थापन समितिका  अध्यक्ष सिताराम चौधरीले बताए । आमाबुबाले सम्मान ग्रहण गरेपछि प्रधानाध्यापक कुशवाहा अत्यन्त भावुक भएका थिए । मन्तव्य राख्दै उनले विद्यालयलाई अझ बढी प्रगतिको बाटोमा लैजाने प्रतिबद्धता जनाएका थिए । 

ADV

सम्बन्धित खबर

Advertise