जुम्ला : तातोपानी गाउँपालिकाले छाउपडी प्रथाविरुद्ध कार्यविधि पारित गरेको छ । गाउँपालिकाको १६ औं गाउँसभाले छाउपडी प्रथाविरुद्धको विधेयक अन्य विधेयक पनि पारित पारित गरेको छ ।
त्यस्तै गाउँपालिका उपाध्यक्ष रेवती रावलका अनुसार गाउँपालिकामा छुइप्रथा न्यूनीकरण गर्न, सामाजिक जनचेतना बढाउनका लागि सो विधेयक बढाइएको छ । उपाध्यक्ष रावलले गाउँपालिकाको कार्यसूचीमा सो विधेयक पारित गरी विधेयकले यस क्षेत्रमा न्यूनीकरणमा काम गर्नेलाई पुरस्कृत तथा प्रोत्साहन गर्नेलाई दण्डित समेत गरिने बताए ।
पालिकाले एकल पुरुष सामाजिक सुरक्षा भत्ता उपलब्ध गराउनका लागि समेत कार्यविधि बनाएको छ ।
त्यस्तै तातोपानी गाउँपालिका वडा नम्बर ४ का अध्यक्ष तथा गाउँपालिकाका प्रवक्ता अमर रोकायाका अनुसार १६ औं गाउँसभाले विभिन्न १५ वटा नयाँ ऐन, कानून, कार्यविधि, निर्देशिका तथा २ वटा पूराना कार्यविधि संशोधन विधेयक गरी पारित गरिएको छ ।
त्यस्तै तातोपानी गाउँपालिकाको विधान तथा सुशासन समितिको संयोजक तथा गाउँसभा सदस्यको हैसियतले आफुले १६ औं गाउँ अधिवेशनमा टेवुलेसन गरी पारित भएको छ ।
गाउँपालिकाका अध्यक्ष नन्दप्रसाद चौलागाइका अनुसार घर बीमा सम्बन्धी कार्यविधि २०८१, एकल पुरुष भत्ता वितरण सम्बन्धी कार्यविधि २०८१, अटो रिक्सा संचालन तथा व्यवस्थापन सम्बन्धी ऐन २०८१, लोकसेवा आयोगको निःशुल्क कक्षा संचालन तथा व्यवस्थापन कार्यविधि २०८१,व्यावसायिक पन्छी फर्म तथा ह्यचरी सञ्चालन सम्बन्धी कार्यविधि २०८१ पारित गरिएको छ ।
यस्तै गाउँपालिकाले विपन्न नागरिक स्वास्थ्य बीमा कार्यक्रम सम्बन्धी कार्यविधि २०८१, नर्सरी संचालन तथा व्यवस्थापन निर्देशिका २०८१, षोषणमैत्री वडा तथा पालिका घोषणा सम्बन्धी कार्यविधि २०८१, ढुंगा गिट्टी बालुवा उत्खनन् सम्बन्धी मापदण्ड २०८१, कन्टेजेन्सी रकम व्यवस्थापन र खर्च सम्बन्धी कार्यविधि २०१८, छाउपडी प्रथाविरुद्ध कार्यक्रम कार्यान्वयन कार्यविधि २०८१, बाल सहभागीता कार्यविधि २०८१, बालविवाह निरुत्साहित निर्देशिका २०८१, बालबालिकामाथि हुने सबै प्रकारका हिंसा उजुरी सुनुवाइ कार्यविधि २०८१ र आन्तरिक नियन्त्रण प्रणाली निर्देशिका २०८१ पारित गरेको छ ।
त्यस्तै २ वटा कार्यविधि संशोधन समेत गरिएको छ । संशोधन गरिएकोमा घर नक्सा पास सम्बन्धी कार्यविधि २०८० (पहिलो संशोधन), तातोपानी धारा संचालन तथा व्यवस्थापन कार्यविधि २०७९ (पहिलो संशोधन) रहेका छन् ।
एकल पुरुष भत्ता वितरण कार्यविधि अनुसार वार्षिक ४ हजार भत्ता दिने भएको छ । त्यस्तै प्रमुख प्रशासकीय अधिकृत तिर्थ कठायतका अनुसार गाउँसभाबाट पारित ऐन कानुन, कार्यविधि र नीतिहरु स्थानीय राजपत्रमा प्रकाशन भइ तातोपानी गाउँपालिका जुम्लाले कार्यान्वयनमा ल्याउने छ ।
महिनावारी, सुत्केरीको समयमा छुइ मान्ने प्रचलन विद्यमान भइरहेको समयमा यस प्रथालाई नियन्त्रण गर्न छाउपडीविरुद्धको कार्यविधि सकारात्मक भएको महिला अधिकार कर्मीहरुको बुझाइ छ ।
