२०८१ चैत २३ गते शनिवार / Apr 05 , 2025 , Saturday
२०८१ चैत २३ गते शनिवार
Ads

ढिलोचाँडो विप्लवसँग एकता हुन्छः महरा

draupadi film
सागर सुबेदी
२०८१ माघ २८ गते २२:००
ढिलोचाँडो विप्लवसँग एकता हुन्छः महरा

दाङ : नेकपा माओवादी केन्द्रका उपाध्यक्ष एवं पूर्व सभामुख कृष्णबहादुर महराले ढिलोचाँडो विप्लवसँग एकता हुने बताएका छन् ।

लुम्बिनी प्रदेशको राजधानी देउखुरीस्थित प्रेस सेन्टर नेपाल लुम्बिनी प्रदेशको तेस्रो अधिवेशन लाई सम्बोधन गर्दै महराले नेपाल कम्युनिस्ट पार्टीका महासचिव नेत्रविक्रम चन्द ‘विप्लव’ सँग सहकार्य गर्दै पार्टी एकता हुने बताए । 

उनले भने ‘ढिलो चाँडो विप्लवसँग एकता हुन्छ । अलि ढिलो होला । हामी एक ठाउँमा हुनुपर्छ । देशको राजनीति त्यति स्थायि स्थितिमा छैन । कांग्रेस एमालेको सरकार छ, तर निकै नाजुक छ । यो नाजुक अवस्थाबाट माथि आउनको निमित्त हाम्रो पार्टीमा आकर्षण बढेको छ । नेकपा माओवादीमा आकर्षण बढेको छ, जनताहरू आकर्षित छन् ।’

एमाले, कांग्रेस परित्याग गरी माओवादीमा प्रवेश गर्नेको ठूलो लहर रहेको महराले बताए । लामो बहसपछि भर्खरै सम्पन्न केन्द्रीय समितिको बैठकले दक्षिणतिर गएको पार्टी दायाँतिर फर्किएको दाबी गरे । विभाजित मानसिकता भएका माओवादीहरू एक ठाउँमा उभिएपछि ६४ को चालमा फर्किने बताए । केन्द्रीय समितिको बैठकले एकताको सन्देश दिएको र यो विस्तारै अगाडि बढ्ने जिकिर गरे ।

ADV

सम्बन्धित खबर

Advertise