अर्जुन बिष्ट/मध्यान्ह
रुकुम पश्चिम : रुकुम पश्चिमको आठबिसकोट नगरपालिका –१२ मा काला खोलाले बगाएर आइतबार एक बालिकाको मृत्यु भएको छ । सानी बार्खु निवासी खड्क बहादुर पुनकी १३ वर्षिया छोरी कृष्णा कुमारी पुनको उक्त खोलाले बगाएर मृत्यु भएको जिल्ला प्रहरी कार्यालय रुकुम पश्चिमका प्रहरी प्रमुख प्रहरी नायव उपरीक्षक ठग बहादुर केसीले जानकारी दिए ।
भाइ बहिनीसँगै घट्ट पिस्न खोलामा गएकी उनको खोला तर्नेक्रममा खोलाले बगाएर मृत्यु भएको डिएसपी केसीले मध्यान्हलाई बताए । प्रहरीका अनुसार आइतबार बिहान १० बजेतिर खोलामा बगेकी पुन दिउँसो करिव १२ बजेतिर कालाखोलाको ढुंगेखानीस्थित खोलाको पाखामा अड्किएको अवस्थामा मृत फेला परेकी हुन् ।
घटना घट्नासाथ स्थानीयले प्रहरीलाई खबर गरेपछि इलाका प्रहरी कार्यालय आठबिसकोट रुकुम पश्चिमबाट खटिएको प्रहरी टोलीले करिब पाँच सय मिटर तल बगेको अवस्थामा शव फेला पारेको हो । घटनाको बिस्तृत जाँचबुझ पछी मृतक पुनको शव पोस्टमार्टमको लागी जिल्ला अस्पताल सल्ले पठाइएको प्रहरीले जनाएको छ ।
Kamalpokhari, Kathmandu
Phone : 01-5326366, 01-5328298
Mobile : 9841293261, 9841206411
Email : madhyanhadaily59@gmail.com
सूचना विभाग दर्ता नं. : 807/074/075
© 2024 मध्यान्ह सर्वाधिकार सुरक्षित | Managed by Bent Ray Technologies