काठमाडौं : त्रिभुवन विश्वविद्यालयले स्वतन्त्र विद्यार्थी युनियन (स्ववियु) निर्वाचनको कार्यतालिका सार्वजनिक गरेको छ । ५ चैत ५मा हुने स्ववियु निर्वाचनका लागि त्रिविविले शुक्रबार कार्यतालिका सार्वजनिक गरेको हो ।
त्रिवि स्ववियु निर्वाचन केन्द्रीय अनुगमन तथा समन्वय समितिले १९ फागुनदेखि ५ चैतसम्मको निर्वाचन कार्यतालिका बनाएको छ ।
१९ फागुन दिउँसो ३ बजेसम्म संघ÷संगठन÷समूह दर्ता गर्ने अन्तिम समय तोकिएको छ । त्यस्तै २१ फागुनमा मतदाता सूची प्रकाशित गरिने, २५ फागु्नमा मतदाता सूची उपर दाबी विरोध गर्ने, मतदाता सूची उपर दाबी विरोधको छानबिन गरी अन्तिम नामावली प्रकाशित गर्ने कार्यतालिका छ ।
त्यस्तै २७ फागुनमा प्रत्यक्ष र समानुपातिक दुवै तर्फको उम्मेदवारको मनोनयन पत्र नामावली दाखिला गर्ने समय तोकिएको छ । उम्मेदवारले २९ फागुन दिनको २ बजेदेखि २ चैत राति १२ बजेसम प्रचार प्रसार गर्न सक्नेछ भने त्यसपछि मौन अवधि सुरु हुनेछ ।
५ चैतमा बिहान ८ बजेदेखि दिनको ४ बजेसम्म मतदान हुने छ ।
.jpg)
