मुगु : मुगुमा ट्याक्टरले किच्दा एक बालकको मृत्यु भएको छ । छायांनाथ रारा–४ चौतारामा ट्याक्टरले किच्दा छायांनाथ रारा नगरपालिका–४ बस्ने राजकुमार रोकायाका दुई वर्षका छोरा सुप्रिम रोकायाको मृत्यु भएको हो ।
आइतबार साँझ बजारबाट घर जाने क्रममा घर नजिकै चौतारामा लु५ त ३१४ नम्बरको ट्याक्टरले किच्दा रोकायाको मृत्यु भएको हो । चालक छायांनाथ रारा नगरपालिका–१० बस्ने २२ वर्षीय धनबहादुर बडुवाललाई प्रहरीले नियन्त्रणमा लिएको छ ।
मृतक रोकायाको शव पोस्टमार्टमका लागि जिल्ला अस्पतालमा राखिएको छ भने चालक बडुवाल अहिले अचेत अवस्था रहेकाले घटनाबारे अनुसन्धान भइरहेको प्रहरीले जनाएको छ । ट्याक्टर छायांनाथ रारा नगरपालिका–१ बस्ने लोकबहादुर हितानको रहेको बताइएको छ ।
