काठमाडौं : सडकबाट खसेर जिप दुर्घटना हुँदा रोल्पामा ७ जनाको मृत्यु भएको छ । जिल्ला प्रहरी कार्यालयका अनुसार पाँच जनाको घटनास्थलमै मृत्यु भएको हो भने बाँकी दुई जनाको अस्पतालमा मृत्यु भएको हो ।
प्रहरीका अनुसार जिपमा १५ जना यात्रुहरु सवार थिए । त्यसमध्ये सात जनाको मृत्यु भएको हो । चालकसहित ८ जना घाइते छन् ।
माडी गाउँपालिका २ घर्तीगाउँबाट तालावाङका लागि हिडेको लु १ ज ३२५२ नम्बरको जिप बेलुकी माडी गाउँपालिकाको परेवाछहरा भन्ने स्थानमा सडकबाट करिब ४०० मिटर तल खसेर दुर्घटना भएको हो ।
दुर्घटनामा घाइते भएकाहरुलाई उपचारका लागि भैरहवा रिफर गरिएको छ ।
पहिरो गएर बाटो बन्द भएको स्थानबाट अगाडि बढ्न नसकेपछि जिप रोकिएको र ब्याक गर्ने क्रममा भिरबाट तल खसेको प्रहरीले जनाएको छ ।
.jpg)
