रौतहट : रौतहटको कटहरिया नगरपालिका-४ स्थित लालबकैया नदीको पुल छेउमा मोटरसाइकल दुर्घटनामा परी एक जनाको मृत्यु भएको छ । दुर्घटनामा परी फतुवा विजयपुर नगरपालिका-४ टेग्राहाका अन्दाजी ४६ वर्षीय अनुठा राय यादवको मृत्यु भएको हो ।
भारतबाट नेपालतर्फ भन्सार छलीको सामान मोटरसाइकलमा ल्याउँदै गरेको तस्करलाई सशस्त्र प्रहरीले पछ्याउँदै गर्दा ३ वटा मोटरसाइकल एकआपसमा ठोक्किँदा दुर्घटना भएको थियो ।
दुर्घटनामा परी गम्भीर घाइते भएका यादवको शुक्रबार बिहान वीरगन्जस्थित गण्डक होस्पिटलमा मृत्यु भएको हो ।
बुधबार कटहरिया बजारबाट घरखर्चको समान किनमेल गरी घर फर्किने क्रममा कटहरिया गम्हरिया सडकखण्ड नजिकै सशस्त्र प्रहरी बल र तस्करबीचको भागडौडमा यादव दुर्घाटनामा परेको जिल्ला प्रहरी कार्यालय रौतहटका प्रहरी नायव उपरीक्षक दीपककुमार रायले जनकारी दिए ।
