सिन्धुली : सिन्धुलीको गोलञ्जोर गाउँपालिका–६ बाट बेपत्ता भएका एकै परिवारका १६ जनाको नाम खुलेको छ ।
बेपत्ता हुनेमा ५२ वर्षीया उर्मिला हायू, २७ वर्षीया कमला हायू, २३ वर्षीया कोमल माया हायू, १९ वर्षीया उषा हायू, २१ वर्षीया अस्मिता हायू, २९ वर्षीय राजु हायू, २४ वर्षीय हिमाल हायू, १६ वर्षीय लालबहादुर हायू, १४ वर्षीय वेगबहादुर हायू, ११ वर्षीय लक्ष्मण हायू, १२ वर्षीय सुवर्ण हायू, १० वर्षीया ओमकुमारी हायू, १ वर्षीय अर्जुन हायू, ४ वर्षीया रियासा हायू र १५ वर्षीय शान्ता हायू रहेका छन् ।
उर्मिला हायूको १६ जनाको परिवार सोमबार बिहानदेखि हराएको गोलन्जोर गाउँपालिकाका प्रवक्ता रेगन राज थापाले जानकारी दिए। गाउँपालिकाका अनुसार बेपत्ता हुनेमा उर्मिला हायूसहित उनका ६ छोरा, ६ छोरी, १ बुहारी, १ नातिनी र १ जना ज्वाइँ रहेका छन् ।
