अर्जुन बिष्ट /मध्यान्ह
रुकुम पश्चिम, १९ असोज । सल्यानमा एक महिलाको हत्या भएको आशंकामा तीन जना पक्राउ परेका छन् । आफ्नो घरबाट माइती जान हिँडेकी एक महिलाको शव मृत फेला अवस्थामा फेला परेको सल्यान प्रहरीले जनाएको छ ।
सल्यानको बागचौर नगरपालिका –२ गैरी निवासी अन्दाजी ५४ वर्षीया रामकली खत्री आइतबार साँझ ७ बजेतिर मृत फेला परेको जिल्ला प्रहरी कार्यालय सल्यानका प्रहरी प्रमुख डिएसपी गोबिन्द थापाले जानकारी दिए ।
उनका अनुसार गत शनिवार करिब साढे ४ बजेतिर माइत जान्छु भनेर घरबाट निस्किएको र घरदेखि करिब एक किलोमिटरको दुरीमा रहेको ठाटीचौरको कच्चीबाटोमा शव मृत फेला परेको हो । घटना शंकास्पद हुन सक्ने भन्दै अनुसन्धानका लागि कोहलपुरबाट तालिमप्राप्त कुकुर ल्याइएको थियो । सो घटनामा संलग्न भएको आशंकामा तीनजना पक्राउ परेका हुन् ।
महिलाको शव शंकास्पद अवस्थामा फेला परेपछि हत्या भएको हुनसक्ने भन्दै प्रहरीले घटनाको अनुसन्धानका लागि तीन जनालाई पक्राउ गरिएको प्रहरीले जनाएको छ।
सल्यानका प्रहरी प्रमुख डिएसपी थापाले जेसिबीका चालक, साहु र सहचालकलाई अनुसन्धानको लागि पक्राउ गरिएको जानकारी दिए । उक्त बाटोमा जेसीबी बाहेकका अन्य सवारी साधन सञ्चालनमा नआएकोले उनीहरुलाई अनुसन्धानका लागि पक्राउ गरिएको थापाले बताए। ‘मृतकको शरीरको घाउ हेर्दा गाडीले किचेको जस्तो देखिएको छ’, डिएसपी थापाले भने, ‘कान, ढाड, हातमा गाडीले कुल्चेको जस्तो घाउ देखिएको छ ।’
खत्री हिंडेको बाटोमा सोही दिन जेसीबीले बाटो खनिरहेको हुँदा आशंका भएकोले उनीहरुलाई पक्राउ गरिएको प्रहरीले जनाएको छ । माइती र घरको दूरी करिब तीन किलोमिटर जति रहेको र बीच बाटोमा मृत फेला परेको डिएसपी थापाले बताए । घटनाको थप अनुसन्धान भैरहेको प्रहरीले जानकारी दिएको छ।
Kamalpokhari, Kathmandu
Phone : 01-5326366, 01-5328298
Mobile : 9841293261, 9841206411
Email : madhyanhadaily59@gmail.com
सूचना विभाग दर्ता नं. : 807/074/075
© 2024 मध्यान्ह सर्वाधिकार सुरक्षित | Managed by Bent Ray Technologies