हुम्ला : हुम्लाको सिमकोटबाट तिब्बत लैजान घरमा लुकाएर राखेको कस्तुरीको बिनासहित एक जना पक्राउ परेका छन् । पक्राउ पर्नेमा हुम्लाको उत्तरी नाम्खा गाउँपालिका –३, केर्मीका कन्जोक तामाङ रहेका छन् ।
भारतको दिल्लीबाट रुपैडिया, नेपालगञ्ज, सुर्खेत, कालीकोट बाजुरा हुँदै स्थलमार्गबाट चीनको स्वशासित क्षेत्र तिब्बत लैजान सिमकोट पुर्याइएको कस्तुरीको बिना बरामद गरिएको हुम्ला प्रहरी नायव उपरीक्षक रबिन्द्र खनालले जानकारी दिए ।
विशेष सुराकीका आधारमा खटिएको प्रहरी टोलीले सिमकोट गाउँपालिका वडा नं. ६ को बजार क्षेत्रमा रहेको उनकै घरमा लुकाएर राखेको अवस्थामा उक्त बिनासहित एक जनालाई पक्राउ गरिएको थियो ।
बिनासहित तामाङकै घरबाट नियन्त्रणमा लिइएको प्रहरी नायव उपरीक्षक खनालले बताए ।
भारतको दिल्लीबाट हिँडेका तामाङ साउन १ गते सिमकोट पुगेकोे प्रहरीको बयानको क्रममा तामाङले बताएका जिल्ला प्रहरी कार्यालयका सूचना अधिकारी प्रहरी निरीक्षक नरेन्द्र चन्दले बताए । दिल्लीमा ७ लाख भारुमा खरिद गरेर ल्याइएको बिना तामाङले चीनको तिब्बतमा बिक्रीका लागि लैजान ल्याएको बताएका छन् ।
अहिले तिब्बतमा १ ग्राम कस्तुरीको बिना ४० देखि ४५ हजार नेपाली रुपैयाँमा बिक्री हुने प्रहरी निरीक्षक चन्दले बताए ।
सुराकी पाए लगतै बुधबार बेलुका प्रहरी निरीक्षक चन्दको नेतृत्वमा खटिएको टोली तामाङ घर पुगेको थियो । उनको घरबाट १८ थान बिनासहित दुई थान मोबाइल, झोला, एटिएम कार्ड, पासपोर्ट, नागरिकता, ३ हजार चिनियाँ रुपैयाँ र तराजुलगायतका वस्तु बरामद गरिएको छ ।
प्रहरीले प्रारम्भिक बयान लिएको र बिहीबार नै बरामत सामानसहित तामाङलाई डिभिजन वन कार्यालय हुम्लालाई बुझाइएको प्रहरीले जनाएको छ ।
.jpg)
.jpg)
