– जगत थापा, बझाङ्ग
१
यहाँ कोही रोगमा कोही भोकमा डुबिरहेको बेला
सबै गल्ली गल्ली चोक–चोकमा डुबिरहेको बेला
नेताहरु देश बेचेर भोट माग्न आउँछन् गाउँघरमा
देश बचाउनलाई जनता सोकमा डुबिरहेको बेला ।।
२
बस्नै पर्दैन अब हामीले बाटो हेरि आउँदैछ आमा
रुन मात्रै मन लाग्छ सम्झिँदा खेरी आउँदैछ आमा
धनीलाई दशैं गरिबलाई दसा उखान काफी छ
हामी रुवाउन दशैं तिहार फेरि फेरि आउँदैछ आमा ।।
३
फेरि फेरि पनि दशैं तिहार आएछ आमालाई
नआउनु पर्ने हो लगातार आएछ आमालाई
परदेशी छोरो फर्किने आसमा बसेको बेला
उता छोरो मरेको समाचार आएछ आमालाई ।।
४
भएन र यो त ठूलो अत्यचार किन गर्नु हुन्छ ?
यही होकि कमाउने आधार किन गर्नु हुन्छ ?
हिजो छोरी बेच्नु ठूलो पाप हो भन्ने शिक्षक
आज आफैं छोरीको कारोबार किन गर्नु हुन्छ ?
५
म आफै जिन्दगीमा भार छु कसरी भनौ
बुझ्नै सकिन केही दोधार छु कसरी भनौ
तिमीलाई सम्झिएर रुने काम पाएको छु
अझैं पनि ‘म’ बेरोजगार छु कसरी भनौ ।।
Kamalpokhari, Kathmandu
Phone : 01-5326366, 01-5328298
Mobile : 9841293261, 9841206411
Email : madhyanhadaily59@gmail.com
सूचना विभाग दर्ता नं. : 807/074/075
© 2024 मध्यान्ह सर्वाधिकार सुरक्षित | Managed by Bent Ray Technologies