रुकुम पश्चिम : रुकुम पश्चिमको बाँफिकोट गाउँपालिका–१ मा ढुंगाले लागेर एक महिलाको मृत्यु भएको छ । सोमबार दिउँसो वडा नम्बर १ लागिमकी ३१ वर्षीया सुनिता विकको घटनास्थलमै मृत्यु भएको हो ।
वडाध्यक्ष धनबहादुर खड्काका अनुसार रेवतखोला क्षेत्रमा जंगलमा बाख्रा चराउने क्रममा बाख्राले पल्टाएको ढुंगा लाग्दा विकको ज्यान गएको हो । उनी आफ्नै घरका बाख्रा चराउन जंगल गएकी थिइन् ।
घटनाबारे जानकारी प्राप्त हुनासाथ प्रहरी निरीक्षक हरिप्रसाद पुनको नेतृत्वमा प्रहरी टोली घटनास्थल पुगेको छ । प्रहरीले घटनाको आवश्यक अनुसन्धान गरिरहेको जनाएको छ ।
.jpg)
