– विक्रम तिरुवा ‘सलिन’, जुम्ला
१.
सकेसम्म यो देशको लागि योगदान गर्नु छ ।
प्यारो नेपाल जोगाउनेलाई मैले सम्मान गर्नु छ ।
कति पनि लाग्न दिने छैन् मेरो देशलाई चोटहरु ।।
यो संसारभरि नेपालीको सधैं उच्च शान गर्नु छ ।
२.
जिन्दगीको खेलमा परीक्षा लिखित हुनुपर्यो ।
एउटाको मात्र होइन है सबैको हित हुनुपर्यो ।
कोही हार्ने त कोही जित्ने कहिँले पनि नहोस् ।।
पालैपालो संघर्ष मेहनतको सधैं जित हुनुपर्यो ।
३.
ओइलाएको फूल जस्तै तिमी झारेर नजानु ।
हाम्रो चोखो माया पिरती अन्तै सारेर नजानु ।
तिमी मेरै बन्नुपर्छ भन्छ यो भित्री मनले सधैँ ।।
मलाई प्रिया जिउँदै यहाँ कहिल्यै मारेर नजानु ।
४.
लेखेर यस्ता शब्दहरु आफ्नै मन जलेको थाहा पाइन्न ।
मन मुटु दिन्छु भन्नेहरू अन्तै चलेको थाहा पाइन्न ।
यो माया पनि एक राजनीतिक जस्तै भयो आजकल ।।
गरेको प्रेम अनि विश्वास कतिखेर ढलेको थाहा पाइन्न ।
५.
तिमीलाई अझै पनि दलित जात चल्दैन थाहा छ ।
मैले गरेको कुनै पनि राम्रा बात चल्दैन थाहा छ ।
कहिँलेसम्म हुने हो दलितमाथि यस्तो भेदभाव ।।
बोटको फूल मात्र चल्छ यो पात चल्दैन थाहा छ ।
Kamalpokhari, Kathmandu
Phone : 01-5326366, 01-5328298
Mobile : 9841293261, 9841206411
Email : madhyanhadaily59@gmail.com
सूचना विभाग दर्ता नं. : 807/074/075
© 2024 मध्यान्ह सर्वाधिकार सुरक्षित | Managed by Bent Ray Technologies