रुकुम पश्चिम : रुकुम पश्चिमको मुसिकोट नगरपालिका-७ निवासी अन्दाजी ५५ वर्षीय तेजबहादुर बुढा झुल्खेतको चुनाखोलाले बगाउँदा बेपत्ता भएका छन् ।
जिल्ला प्रहरी कार्यालय रुकुम पश्चिमका अनुसार आज दिउँसो बुढालाई खोलाले बगाएको हो । घरबाट गोठतर्फ जाने क्रममा खोला तर्न खोज्दा बुढालाई खोलाले बगाएको बुझिएको जिल्ला प्रहरी कार्यालय रुकुम पश्चिमका प्रहरी निरीक्षक ऋषि पाठकले बताए ।
बुढालाई खोलाले बगाएको सूचना पाएपश्चात झुल्खेत, सोलाबाङ क्षेत्रमा प्रहरी परिचालन गरेर खोजी कार्य जारी राखिएको जिल्ला प्रहरी कार्यालय रुकुम पश्चिमले जनाएको छ ।
.jpg)
