रौतहट : रौतहटस्थित प्रहरीको गस्ती टोलीले १५ लाख रुपैयाँभन्दा बढीको अवैध सामान बरामद गरेको छ । जिल्ला प्रहरी कार्यालय र मातहतका इकाहरुले जिल्लाको विभिन्न नाका हुँदै भान्सार छलेर भित्र्याइएको सामानहरू बरामद गरेको हो ।
जिल्ला प्रहरी कार्यालय रौतहटकी प्रवक्ता डीएसपी एलिजा गिरीका अनुसार प्रहरी टोलीले १ लाख ७४ हजार ९ सय ९६ रुपैयाँ बराबरको लत्ताकपडा, ३ लाख ७४ हजार २७३ बराबरको किराना सामान, ४ लाख ४० हजार हुन्डीको रकम, ४ लाख ७४ हजार २२० बराबरको दुई वटा मोटसाइकलसहित ५५ हजार ९ सय ८० रुपैयाँ बराबरको हार्डवेयर सामान बरामद गरेको छ । बरामद सामानहरू आवश्यक कारबाहीका लागि जिल्ला भन्सार कार्यालय गौरमा बुझाइएको प्रहरीले जानकारी दिएको छ ।
.jpg)
.jpg)
