बझाङ : बझाङको छबिसपाथिभेरा गाउँपालिका– १ परिङ्गालका एक युवा निदाइरहेको अवस्थामा पहिरो खस्दा घरसहित सेती नदीमा खसेका छन् । छबिसपाथिभेरा गाउँपालिका वडा नम्बर १ परिङ्गालमा रहेको झोलुङ्गे पुलस्थित पश्चिमतिर बस्दै आएका ३६ वर्षीय करन गिरी पहिरोले बगाउँदा घरसहित सेती नदीमा खसेका हुन् ।
सेती नदीमा खसेका गिरीलाई स्थानीय दिपेन्द्र खड्का, अर्जुन गिरी र सुरक्षाकर्मीले घाइते अवस्थामा उद्धार गरेका थिए ।
करनको शरीरभरी चोट लागेको उनका दाइ लक्ष्मिराज गिरीले जानकारी दिए । उनलाई उपचारका लागि जिल्ला अस्पताल ल्याउने तयारी भइरहेको पनि लक्ष्मिराज गिरीले बताए । घटनाबारे थप विवरण आउन बाँकी छ ।
.jpg)
