अर्घाखाँची : अर्घाखाँचीको भूमिकास्थान नगरपालिकामा बस दुर्घटना हुँदा दुई जनाको मृत्यु भएको छ भने १८ जना घाइते भएका छन् ।
भूमिकास्थान नगरपालिका ५ र ६ को सिमाना जयठाटीमा बेलुका अन्दाजी ५ बजे देउसी भैलो नाचिरहेको स्थानमा ना३ख २४७१ नम्बरको बसको ब्रेक फेल भएपछि दुर्घटना भएको घटनास्थल पुगेका जिल्ला प्रहरी कार्यलय अर्घाखाँचीका सूचना अधिकारी विष्णु प्रसाद पौडेलले जानकारी दिए ।
भैलो खेल्न आएको बसले एक्कासी ब्रेक फेल भइ बाटोमा भैलो खेलिरहेका खिल्जीका समूहलाई ठक्कर दिएको जिल्ला प्रहरी कार्यालय अर्घाखाँचीका प्रमुख डीएसपी चक्रबहादुर मल्लले बताए ।
दुर्घटनामा परी भूमिकास्थान नगरपालिका वडा नम्बर ६ खिल्जीकी २२ वर्षीया तारा श्रेष्ठ र भूमिकास्थान नगरपालिका-२ की ७० वर्षीया रुवि खनालको मृत्यु भएको प्रहरी नायव उपरीक्षक मल्लले जानकारी दिए । दुर्घटनामा परी गम्भीर घाइते नौ जनालाई जिल्लामा उपचार हुन नसकेपछि बुटवल रिफर गरिएको छ भने २४ जना घाइतेको जिल्ला अस्पतालमा उपचार भइरहेको उपचारमा खटिएका डाक्टर अशोक शाहाले जानकारी दिए ।
प्रहरी र स्थानीयले घटनास्थलमा उद्धार गरेका थिए । घटनाको अनुसन्धान भइरहेको डीएसपी मल्लको भनाइ छ ।
-अपडेट गरिएको
