कालीकोट : कालीकोटको पलाँता गाउँपालिका वडा नम्बर ३ स्थित राडुनेटामा आइतबार दिउँसो बोलेरो जिप दुर्घटना भएको छ । दुर्घटना हुँदा ६ जनाको घटनास्थलमै मृत्यु भएको छ भने १३ जना घाइते भएका छन् ।

दुर्घटनामा परी मृत्यु हुनेमा वडा नं.३ का दमन रोकाया, ५ का पदम बम, छायाँ शाही, ६ का पुन्नकला शाही, भगवती रोकाया र गणेश शाहीको घटनास्थलमै मृत्यु भएको छ । 

घाइते हुनेमा वडा नम्बर ६ का केशव थापा, इश्वर थापा, विजय थापा, डोली विक, आयुष विक, रिदम शाही, जविशा शाही, आशिका रोकाया, भुपेन्द्र रोकाया, दानबहादुर रोकाया, निर्मला रोकाया, जगत रोकाया, स्वादिप रोकाया र गाडी चालक धनिराम रहेका छन् । उनीहरुलाई उपचारका लागि हेलिकप्टरमार्फत प्रदेशिक अस्तपात सुर्खेत लगिएको छ ।

गाउँपालीकाको वडा नं. ६ उखाडीबाट वडा नं.९ को थिर्पुतर्फ आउँदै गरेको क १ ज ५६ नम्बरको जिप वडा नम्बर–३ को राडुनेटामा दुर्घटना भएको हो । जिप सडकबाट करिब ३०० मिटर तल खसेको पलाँता गाउँपालिका उपाध्यक्ष अलैपुरा हमालले जानकारी दिए ।