रौतहट : रौतहट र मकवानपुरको सीमा चन्द्रपुर नगरपालिका वडा नम्बर १ मा गोली चलेको छ । अज्ञात समूहले चलाएको गोली लागेर मकवानपुरको हात्ती सुने माविका प्रधानाध्यापक प्रेम लामा घाइते भएका छन् ।
रौतहटको चन्द्रपुर नगरपालिका वडा नम्बर १ बाट मकवानपुरको राई गाउँ जाने सडकमा पर्ने जोगी खोलाको मुहानमा प्रधानाध्यापक लामामाथि अज्ञात समूहले गोली प्रहार गरेको थियो । दाहिने गालामा गोली लागेका लामाको उपचारका लागि स्थानीयले एम्बुलेन्स बोलाएर वीरगञ्ज पठाएको स्थानीय समिर बाबु कार्कीले बताए ।
गोली चलेको स्थानमा अहिले प्रहरी चौकी पौराहीबाट प्रहरी सहायक निरीक्षक कुन्दन सिंहको नेतृत्वमा टोली खटिएको स्थानीयले जानकारी दिएका छन् ।
.jpg)
