नुवाकोट : खेल पर्यटनको मूल उद्देश्यसहित नुवाकोटको पिपलटारमा प्रथम विदुर खेलकुद तथा पर्यटन महोत्सव सञ्चालन सुरु भएको छ ।
पीपलटार फुटवल क्लबको आयोजनामा भएको महोत्सवको वागमति प्रदेशका मुख्यमन्त्री बहादुरसिंह लामा तामाङले उद्घाटन गरेका हुन् ।
मुख्यमन्त्री लामाले महोत्सवले आन्तरिक तथा बाह्य पर्यटन प्रवद्र्धनमा मद्दत पुग्नुका साथै खेल र खेलाडिहरूको पहिचानसमेत हुने बताए । मुख्यमन्त्री लामाले विदुर नगरपालिका–५ पिपलटारमा क्रिकेट रंगशाला निर्माणका लागि प्रदेश सरकारले प्राथमिकता दिएको बताए ।
महोत्सव आउँदो फागुन ७ गतेसम्म सञ्चालन हुनेछ । महोत्सवमा २५० भन्दा बढी स्टल छन् । जालपा मिडिया सर्भिसको व्यवस्थापनमा भएको महोत्सवमा राष्ट्रिय, स्थानीय तथा म्हेन्दोमायाका साथै हास्यव्यङ्ग्य प्रहसनसहित विविध क्षेत्रका कलाकारले दर्शकलाई मनोरञ्जन दिलाउने आयोजक पिपलटार फुटबल क्लबका अध्यक्ष उद्धव पनेरुले बताए ।
