काठमाडौं : प्रहरीले कमलादीमा सुन भएको झोला र पेस्तोल फालेर हिडने तीन जनालाई प्रहरीले नवलपरासीको दुम्किवासवाट पक्राउ गरेको छ । पक्राउ पर्नेमा देवान पटेल, विजय पटेल र निलेश सखिया रहेका छन् ।
महानगरीय अपराध महाशाख र जिल्ला प्रहरी कार्यालय नवलपरासी पूर्वको समन्वयमा उनीहरु पक्राउ परेका हुन । पक्राउ परेका तीनजनाबारे थप अनुसन्धान भैरहेको महानगरीय प्रहरी कार्यालय काठमाडौंले जनाएको छ ।
उनीहरुले फालेको झोला खोल्दा आधा किलो सुन, सुनको जलप भएको साढे १४ किलो चाँदी र दुईथान चाईनिज पेस्तोल फेला परेको थियो । सुन फालेर भागेको बा ६ च ५५१९ नम्बरको सिल्भर कलरको स्कोर्पियो जीप भने फेला परेको छैन । प्रहरीले रोक्न खोजेपछि सुन र पेस्तोल फालेर तस्कर समूह ट्याक्सीमा नवलपरासी पुगेको बताइएको छ ।
उता प्रहरीले घटना अनुसन्धान गर्ने जिम्मा महानगरीय प्रहरी परिसरबाट खोसेर अपराध महाशाखालाई दिएको छ । सुन सुन्धारामा बरामद भएको तर घटनास्थल परिवर्तन गरेर कमलादी देखाएको खुलेपछि अनुसन्धान टोली नै फेरिएको हो ।
प्रहरीले एसएसप सुशील यादवको संयोजकत्वमा छानविन समिति गठन गरेको हो । समितिलाई पाँच दिनभित्र प्रतिवेदन बुझाउने जिम्मेबारी दिइएको छ । यसअघि अपराध महाशाखाका प्रमुख दीपक थापाको संयोजकत्वमा छानविन समिति गठन भएको थियो ।
Kamalpokhari, Kathmandu
Phone : 01-5326366, 01-5328298
Mobile : 9841293261, 9841206411
Email : madhyanhadaily59@gmail.com
सूचना विभाग दर्ता नं. : 807/074/075
© 2024 मध्यान्ह सर्वाधिकार सुरक्षित | Managed by Bent Ray Technologies