झापा : नेपाली कांग्रेसका नेता डा.शेखर कोइरालाले जनतालाई खुशी दिन नसक्दा राजतन्त्रको कुरा उठेको बताएका छन् ।
झापामा शुक्रबार आयोजित कार्यक्रममा बोल्दै नेता कोइरालाले राजा फर्काउनुपर्छ भन्नेकुरा नेपालमा मात्र नभइ फ्रान्स लगायतका देशहरूमा पनि हुने गरेको भन्दै नागरिक असन्तुष्ट हुँदा अहिले नेपालमा पनि प्रदर्शन भएको बताए । गणतन्त्रले जनतामा आशा, भरोसा जगाउन सक्यो की सकेन भन्ने कुरामा ध्यान दिन जरुरी हुने उनको भनाइ छ ।
राजतन्त्र फर्किने आफूलाई विश्वास नरहेको उल्लेख गर्दै कोइरालाले गणतन्त्रका रक्षकहरूले राम्रो काम गरेर देखाउनुपर्ने बताए ।
उनले भने, ‘अरुले पूर्वराजा भन्छन् म राजा नै भन्छु । किनभने कार्यकारी भइसकेको व्यक्तिलाई पूर्व भन्ने चलन बाहिर छैन, नेपालमा मात्रै छ । राजाको कुरा हेर्दा हरेक देशमा चलिरहेको हुन्छ । आज पनि फ्रान्समा राजा फर्काउनुपर्छ भन्ने गफ हुन्छ । राजाको बारेमा कुरा गरेर मात्रै हुँदैन । जनतालाई कतिको खुशी पार्न सकेका छौँ भन्ने हो ।’
