विराटनगर : नेकपा एमाले १० औं जिल्ला अधिवेशनमा संस्थापन इतरको प्यानलै विजयी भएको छ ।
अधिवेशनमा नयाँ नेतृत्व चयनका लागि भएको मतदानमा संस्थापन इतर समूहबाट अध्यक्षमा अजम्वर राई विजयी भएका छन् । उपाध्यक्षमा सागर थापा र सचिवमा सोम थापा विजयी भएका छन् ।
त्यस्तै, उपसचिवमा सन्तोष वान्तवा र उषा झा विजयी भएका छन । संस्थापन समूहबाट अध्यक्षमा राजकुमार ओझा, उपाध्यक्षमा शान्ती लिम्बू सचिवमा रविन थापा उम्मेदवार थिए । उप सचिवमा शिल्पा कार्की र इर्जालाल रजबङसी उम्मेदवार थिए ।
एमाले मोरङको अधिवेशन फागुन १७ गते भएको थियो । चार दिनपछि मतदान प्रक्रिया भएको छ । निर्वाचनमा ८८८ मत खसेको थियो । ९११ जना प्रतिनिधिमध्ये २३ जना अनुपस्थित थिए ।
५ पदाधिकारीसहित १६५ सदस्यीय जिल्ला समितिमा ७१ जना सदस्य सर्वसम्मत निर्वाचित भएका थिए । मतदानका लागि ९११ जना प्रतिनिधि चयन भएका थिए ।
.jpeg)
.jpeg)
.jpg)
