कालीकोट : कालीकोटको रास्कोट नगरपालिकामा ट्याक्टर दुर्घटना हुँदा चालकको मृत्यु भएको छ भने दुई जना गम्भीर घाइते भएका छन् । रास्कोट नगरपालिका–५ स्थित आर.सी.पी.बजारमा रहेको ग्लोबल बैंक नजिकै ट्याक्टर दुर्घटना भएको हो ।
दुर्घटनामा घाइते भएका चालक वीर परियारको उपचारका लागि अस्पताल लैजाँदै गर्दा मृत्यु भएको प्रहरीले जानकारी दिएको छ । दुर्घटनामा घाइते भएका दुई जनालाई प्रदेश अस्पताल सुर्खेत पठाइएको नगर प्रहरी प्रमुख धन बहादुर शाहीले बताए ।
घाइते हुनेमा रास्कोट नगरपालिका–२ का नम सार्कीको शरीरको भित्रि भागमा चोट लागेको छ भने वडा नम्बर ५ कै प्रकाश तिरुवाको टाउकोमा चोट लागेको छ ।
.jpg)
