काठमाडौं : गीतकार रञ्जना न्यौपानेको शब्द रचनामा लोकप्रिय गायक स्वरुपराज आचार्य र लोकप्रिय गायिका अन्जु पन्तको स्वरमा रहेको नयाँ गीत 'बन्द खाम २' सार्वजनिक भएको छ । चर्चित संगीतकार लक्ष्मण पोखरेलको संगीत रहेको गीतमा अशोक थापाको संगीत संयोजन, राजेश श्रेष्ठको रेकर्डिङ तथा किशोर थापाको मिक्सिङ मास्टरिङ रहेको छ ।
गीतको भिडियो निर्देशन समाजसेवी उमेश सापकोटाले गरेका छन् । गीतमा अभिनय स्वयं गीतकार रञ्जना न्यौपाने र निर्देशक उमेश सापकोटा तथा बालकलाकारमा रुतभि सापकोटा र प्रियन्श सापकोटाको रहेको छ । छायांकन मिलन थापा र गोपाल मगर, सम्पादन बाल कुमार मगर तथा कथा परिकल्पना उमेश सापकोटाको रहेको छ ।
पछिल्लो समय नेपाली गीत संगीतमा देखिएको विकृति विसंगतिलाई 'बन्द खाम २' ले चिर्न सफल भएकोमा गीतकार रञ्जना न्यौपाने खुसी छन् । छोटो समयमा गीतलाई दर्शक स्रोताहरुले रुचाइदिएपछि थप हौसला मिलेको निर्देशक उमेश सापकोटा बताउँछन् ।
लामो समयको अन्तरालमा यस्तो कर्णप्रिय सुमुधुर गीतमा आवाज दिन पाएकोमा गायक स्वरुपराज आचार्य र गायिका अन्जु पन्त पनि खुसी लागेको बताउँछन् । अहिलेको अनेक किसिमका गीतहरुको बाढी आइरहेको अवस्थामा मेलोडी संगीत तयार पार्न पाएकोमा संगीतकार लक्ष्मण पोखरेल पनि दंग छन् । गीत रञ्जन न्यौपाने नमक युट्युब च्यानलमार्फत सार्वजनिक भएको छ ।
