काठमाडौं : काठमाडौं महानगरपालिका–७ चाबहिलस्थित सरस्वतीनगरमा एक पुरुषले पेट्रोल छर्केर आफैंलाई आगो लगाएका छन् ।
मंगलबार राति ५२ वर्षीय चञ्चल सिहंले शरीरमा पेट्रोल छर्केर आफैंलाई आगो लगाएका हुन् ।
सोक्रममा आगो निभाउन जाँदा परिवारका अन्य ४ जना पनि घाइते भएका छन् ।
घरायसी विषयमा श्रीमतीसँग विवाद भएपछि श्रीमानले पेट्रोल छर्केर आफ्नै शरीरमा आगो लगाएका थिए ।
श्रीमानले शरीरमा आगो लगाएपछि निभाउन गएकी श्रीमती र तीन छोरी पनि घाइते भएको प्रारम्भिक अनुसन्धानबाट खुलेको जिल्ला प्रहरी परिसर काठमाडौंले जनाएको छ ।
घाइते पाँचै जनाको अहिले कीर्तिपुरस्थित बर्न अस्पतालमा उपचार भइरहेको छ ।
.jpg)
