काठमाडौं : काठमाडौंको गोंगबुस्थित नयाँ बसपार्कमा एक युवकको शव फेला परेको छ ।
काठमाडौं महानगरपालिका–२६ नयाँ बसपार्कभित्रको ३ नम्बर गेट नजिक विगत २ महिनादेखि पार्किङ गरी राखेको बा २ ख २३४४ नम्बरको बसभित्र युवकको शव भेटिएको हो ।
ती युवक सुनसरीको इटहरी उपमहानगरपालिका–१३ घर भएका ३७ वर्षीय प्रल्लाद अधिकारी रहेको जिल्ला प्रहरी परिसर काठमाडौंले जानकारी दिएको छ ।
युवकको मृत्युको कारण खुलेको छैन । शव मंगलबार साँझ भेटिएकाे हाे । घटनाको प्रकृति हेर्दा ४/५ दिनअघि नै मृत्यु भइसकेको जस्तो देखिएको प्रहरीको भनाइ छ ।
मृतक व्यक्ति बसपार्क क्षेत्रमै काम गर्ने गरेको खुलेको र घटनाबारे थप अनुसन्धान भइरहेको प्रहरीले बताएको छ ।
.jpg)
