दाङ : दाङमा खोलाले बगाउँदा एक जनाको मृत्यु भएको छ । शान्तिनगर गाउँपालिका–४ को चिराघाट खोलाले बगाउँदा तुलसीपुर उपहानगरपालिका-२ झारगाउँका ६७ वर्षीय तेजबहादुर भण्डारीको मृत्यु भएको हो ।
एकै घरका दाजुभाइलाई झारगाउँबाट शान्तिनगर–४ गिदनियामा आफन्तको घरमा भेटघाट गरी फर्किंदै गर्दा बुधबार दिउँसो चिराघाट खोला तर्ने क्रममा खोलाले बगाएको हो ।
६४ वर्षीय भाइ चेतबहादुर भण्डारी भने पौडिएर ज्यान जोगाउन सफल भएको र दाइ ६७ वर्षीय तेजबहादुर भण्डारीको मृत्यु भएको इलाका प्रहरी कार्यालय तुलसीपुरका प्रहरी प्रवक्ता प्रहरी निरीक्षक प्रकाश थापाले जानकारी दिए ।
तेजबहादुरको शव बगेको ठाउँभन्दा एक किलोमिटर दक्षिणमा फेला परेको प्रहरीले जनाएको छ ।
