काठमाडौं : कर्णाली नदीमाथिको झोलुंगे पुलको लट्ठा चुँडिदा फसेकामध्ये ९ वटा खच्चडको सकुशल उद्धार गरिएको छ भने २ वटाको मृत्यु भएको छ ।
उद्धार गर्ने क्रममा २ वटा खच्चडको मृत्यु भएको जिल्ला प्रशासन कार्यालय दैलेखले जानकारी दिएको छ ।
अछामबाट दैलेख आउने क्रममा आज बिहान पुलको लट्ठा चुँडिदा फसेकामध्ये अझै २ वटाको उद्धार गर्न कठिन भएको हो ।
पुलबाटै उद्धार सम्भव नभएपछि तार काटेर कर्णालीमा खसालेर खच्चडको उद्धार गरिएको हो । पुलबाट खसालिएका खच्चडलाई नदीमा डुंगाबाट उद्धार गरिएको थियो ।
.jpg)
