सरकारले देशभर एकसाथ ३९६ अस्पतालको शिलान्यास गरेको छ । प्रत्येक प्रदेशअनुसार स्थानीय तहमा अस्पताल शिलान्यास गरेको हो । सरकारले पाँच देखि १५ शैयासम्मको अस्पताल दुई वर्षभित्र बनाइसक्ने लक्ष्य लिएको छ । आर्थिक वर्ष २०७७-०७८ को बजेट भाषण मार्फत् नै सरकारले स्वास्थ्य क्षेत्रलाई प्राथमिकतामा राखेको थियो ।
यो वर्षको बजेट समेत स्वास्थ्य क्षेत्रमै बढी विनियोजन भएको छ । अर्थमन्त्री विष्णुप्रसाद पौडेलले यो वर्षको बजेटमा विनियोजित बजेट निकास गर्दै सोमबार देशभर अस्पताल शिलान्यास भएको छ । कतिपय अस्पतालको शिलान्यास संघीय सरकारका मन्त्रीहरुले गरेका छन् भने कतिपय भने प्रदेश सरकारका मन्त्रीहरुले गरेका छन् ।
त्यस बाहेक सत्तारुढ नेपाल कम्युनिष्ट पार्टी (नेकपा) का नेताहरु देखि स्थानीय सरकार प्रमुखहरुले समेत शिलान्यास गरेका छन् । यसपटक भने सरकारले देशभर बन्ने अस्पतालबारे ठूलो प्रचारबाजी गरेनन् । जबकी तीन वर्ष अगाडि सरकारले सामाजिक सुरक्षाको कार्यक्रम भव्य रुपमा गरेको थियो ।
तर, त्यसको आलोचना भएपछि यसपटक सरकारले शिलान्यासको ठूलो प्रचार गरेन । तर, दीर्घकालीन महत्व राख्नेगरी अस्पताल शिलान्यास भएको छ । प्रदेश स्तरमा सरुवा रोग सम्बन्धी अस्पताल पनि शिलान्यास भएको छ । देशभर भएको अस्पताल शिलान्यासले सरकारको प्रशंसा गरिएको छ । जबकी अहिलेसम्म हरेकजसो निर्णयमा सरकार आलोचित हुने गरेको थियो ।
विशेषगरी कोरोना महामारी रोकथामको प्रयासमा सरकार चुकेको टिप्पणी हुने गरेको छ । तर, कोरोना महामारी नियन्त्रणकै क्रममा सरकारले स्थानीय तह सम्म थालेको यो कामले आलोचनामा थोरै भएपनि घटाएको छ । तथ्य पनि त्यही हो । सरकारले गर्नुपर्ने काम नै यस्तै हो ।
बरु, सरकारले लिएको लक्ष्यअनुसार, दुई वर्षभित्र अस्पताल निर्माण गरिसक्ने हो भने नेकपा नेतृत्वको सरकारलाई निकै ठूलो उपलब्धी हुनेछ भने जनताले पनि उपचार पाउनेछन् । यो कार्यमा नागरिक सहयोग पनि जरुरी छ ।
विशेषगरी स्थानीय तहका राजनीतिक नेतृत्वबाट पनि सहयोग मिल्न जरुरी छ । त्यसो हुँदा फेरि पनि यो राजनीतिक विवाद उत्पन्न हुन नदिने कार्यभार सरकारको नेतृत्व गर्ने दल र नेताहरुकै हो । यसले नेकपालाई दीर्घजिवी बनाउन नै मद्दत गर्छ । फेरि पनि यो प्रशंसनीय कामको थालनिका लागि सरकारलाई धेरै–धेरै धन्यवाद !
Kamalpokhari, Kathmandu
Phone : 01-5326366, 01-5328298
Mobile : 9841293261, 9841206411
Email : madhyanhadaily59@gmail.com
सूचना विभाग दर्ता नं. : 807/074/075
© 2024 मध्यान्ह सर्वाधिकार सुरक्षित | Managed by Bent Ray Technologies